Áheyrnaprufum lokið

19.08.2010

Áheyrnarprufunum er nú lokið fyrir Röddina 2010, en prufurnar fóru fram víðsvegar um land í allt sumar. Frábær þátttaka var í sumar og tóku á milli 800-900 keppendur þátt allstaðar af að landinu.

Margir efnilegir söngvarar sem voru að stíga sín fyrstu skref á sviði komu þar fram og stóðu sig einstaklega vel og ljóst að Ísland þarf engu að kvíða í nánustu framtíð hvað varðar fjölda efnilegra söngvara!

Miðvikudaginn 11.ágúst fóru fram undanúrslit, en þar tóku þeir 30 keppendur þátt sem sigrað höfðu í áheyrnarprufunum. Tíu af þeim hafa nú verið valdir til að taka þátt í lokakeppni Raddarinnar 2010 sem fer fram í október og verður sýnd á Stöð 2.

Byrjað verður að sýna þættina um undankeppni og undanúrslit Raddarinnar í september/október á Stöð 2.

Auka áheyrn í Reykjavík 4.ágúst

02.08.2010

Auka áheyrnaprufur verða haldnar á Hótel Loftleiðum miðvikudaginn 4.ágúst og hefjast kl. 15.00 og standa fram á kvöld. Skráðir þátttakendur fá sendan póst frá skipuleggjendum með mætingartíma, mikilvægt er að koma á þeim tíma sem úthlutað er og fylgjast vel með tölvupósti, en allir munu fá póst í síðasta lagi að kvöldi 3.ágúst.

Sigurvegarar á Akureyri

02.08.2010

Um 80 keppendur tóku þátt í áheyrnarprufum sem fram fóru á Akureyri um Verslunarmannahelgina, en 15 af þeim voru valdir til að keppa sín á milli í söngkeppni á Glerártorgi sunnudaginn 1.ágúst. Sigurvegararnir voru þau Gyða Jóhannesdóttir, Helmuth Þór Ólafsson, Marín Eiríksdóttir og Hákon Guðni Hjartarson. Röddin óskar þeim hjartanlega til hamingju með árangurinn.

Akureyri um Verslunarmannahelgina

25.07.2010

 Áheyrn hefst kl. 9.00 að morgni laugardagsins 31. júlí í Brekkuskóla Laugargötu og stendur fram eftir degi. Undanúrslit fara svo fram kl. 14.00 sunnudaginn 1. ágúst í verslunarmiðstöðinni Glerártorgi. Fjórir keppendur komast áfram frá norðurlandi í undankeppnina í Reykjavík, sem haldin verður 11.ágúst. Skráðir þátttakendur fá nánari upplýsingar frá skipuleggjendum keppninnar á tölvupósti.

Undanúrslit 11.ágúst í Reykjavík

24.07.2010

Miðvikudaginn 11.ágúst fara fram undanúrslit Raddarinnar á Hótel Loftleiðum. Þar taka þátt þeir þrjátíu keppendur sem valdir hafa verið úr áheyrnarprufum Raddarinnar víðsvegar að af landinu í sumar. Keppendur í undanúrslitum fá nánari upplýsingar á tölvupósti frá Röddinni strax eftir verslunarmannahelgi.

Fjórir sigurvegarar á Selfossi

24.07.2010

Fjórir keppendur voru valdir áfram á Selfossi eftir áheyrnarprufur þar þann 24.júlí. Þeir heita Teitur Gissurarson, Sóley Sævarsdóttir, Fríða Hansen og Irena Víglundsdóttir. Lesa alla fréttina

Þrír komust áfram á Neskaupstað

21.07.2010

Mikil stemning var í Egilsbúð á Neskaupstað laugardaginn 17.júlí þegar þrír keppendur voru validr til að taka þátt í undanúrlitunum sem fram fara í Reykjavík þann 11. ágúst næstkomandi. Lesa alla fréttina

Keppendur sem komust áfram í Reykjavík

30.06.2010

Frábær þátttaka var í áheyrnarprufunum í Reykjavík og mættu tæplega fjögur hundruð keppendur til leiks á Hótel Loftleiðum. Dómarar keppninnar eru hæstánægðir með hversu margir voru virkilega góðir og höfðu mikið vald á sinni rödd og eru á einu máli með að allir hafi staðið sig einstaklega vel. Það er greinilegt að Ísland þarf engu að kvíða varðandi upprennandi söngstjörnur :-) Lesa alla fréttina

Auka áheyrn í Reykjavík 4. ágúst!

28.06.2010

Vegna fjölda áskorana verður auka áheyrn i Reykjavík 4. ágúst.

Sigurvegarar á Ólafsvík 27.júní

26.06.2010

Áheyrnarprufur fóru fram í Félagsheimilinu Klifi í Ólafsvík þann 27.júní síðasliðinn, en að lokinni áheyrn fór fram söngkeppni. Að lokum voru valdir tveir keppendur til að taka þátt í lokakeppninni í Reykjavík þann 11.ágúst, en það voru þær Steinunn Þorvaldsdóttir og Harpa Óskarsdóttir sem komust áfram.

Mikil stemning á Hótel Loftleiðum

19.06.2010

Fjölmargir keppendur spreyttu sig í áheyrnarprufum fyrir Röddina á Hótel Loftleiðum helgina 19-20. júní sl., en á fjórða hundrað þátttakenda tóku þátt.

Margir stórefnilegir keppendur létu ljós sitt skína og greinilegt að það er engin vöntun á hæfileikaríkum söngvurum á Íslandi í dag!

Röddin byrjar í Reykjavík 19 og 20. Júní

01.06.2010

Fyrsta stopp Raddarinnar verður á Hótel Loftleiðum þann 19. og 20. júní næstkomandi.
Áheyrnarprufurnar byrja kl. 9.00 báða dagana og standa eins lengi og þurfa þykir.

Alvöru söngkeppni fyrir 12 til 16 ára

29.05.2010

Í fyrsta skipti á Íslandi - Alvöru söngkeppni fyrir aldusrhópinn 12 til 16 ára.